hkl

1: Abdallah Mohammed Baresi👏 Ushindi wa JKT ulianza kwenye kitabu chake cha ufundi. Ile 4-2-2-2 iliimeza kabisa 4-2-1-3 ya Sven. Kipindi cha kwanza walipoikamata Simba, katikati, wakamaliza hesabu zao

2: Sina hakika kama Sven alifanya research ya kutosha kuwajua JKT. Kwa namna yoyote ile, kwa ugumu wa viungo wa JKT, Ibrahim Ajib hakuwa chaguo sahihi kucheza kwenye ‘role’ ile
.
.
3: Shabani Mgundila🙌 What a player👏 Box to Box midfielder aliyefanya majukumu yote uwanjani. Alikaba kibabe, akaanzisha kibabe. Kipindi cha pili alifanya kazi kubwa sana kuziba nafasi za mikimbio ya kina Chama

4: Mechi ilihimuhitaji Kahata tangu dakika ya kwanza. Skills zake, jicho lake la pasi lingeweza kua na madhara makubwa kwa JKT kuliko ilivyokua Ajib

5: Mechi ya pili mfululizo timu pinzani zinatumia dakika 15 za kwanza kuipress Simba. (Dhidi ya Polisi, Simba walifanya attempt ya kwanza golini dakika ya 18. Dhidi ya JKT wamefanya attempt ya kwanza ya maana dakika ya 16) hii si ishara nzuri kiufundi kwa Simba, hasa inapokua nyumbani

6: Uliwaona wale watu wa 4 wa JKT pale katikati. Nurdin Mohammed alikuwa mtulivu, Mgandila akawa mtukutu. Kazimoto akatengeneza space, Hafidh Mussa akapika mashambulizi. JKT wakiwa na mpira, Fraga akajikuta anashambuliwa na watu watatu kwenye zone yake

7: Adam Adam🙌 Bao la 6 msimu huu. Bado nasisitiza, akiongeza utulivu, aina yake ya uchezaji ni tishio kwa mabeki wengi VPL. Ana akili kubwa ya kunusa hatari, ni mastraika wachache sana ambao wangeweza kujitega pale kati ya Wawa na Kennedy.

8: Presha ya waamuzi dhidi ya Simba, imewaumiza Simba leo. Bao la Fraga lilikua halali kabisa.

9: Edward Songo👏 Asante sana. Nilichokiona kwako mwanzoni, umekithibisha leo. Perfomance bora sana dhidi ya Simba

10: Kichuya hakua fiti. Luis Muquisone, yes. Kuna kitu ndani yake. Alifanya majukumu yake ya msingi na wakati fulani akaingia kati kufanya jukumu la Ajib

Nb: Tukutane Airport😀

Simba imeanza vibaya mzunguuko wa pili ligi kuu ya Vodacom baada ya kukubali kipigo cha bao 1-0 kutoka kwa JKT Tanzania katika mchezo uliopigwa uwanja wa Uhuru

Bao pekee la JKT Tanzania lilifungwa na Adam Adam kwenye dakika ya 25 baada ya walinzi wa Simba na mlinda lango Beno Kakolanya kuzembe kucheza krosi

Mabingwa hao watetezi hawakuwa na mchezo mzuri kabisa kwenye kipindi cha kwanza ingawa katika kipindi cha pli juhudi zilionekana

Katika hali ya kushangaza, Fraga alifunga bao maridadi kwa mpira wa kichwa mapema kwenye kipindi cha pili lakini bao hilo lilikataliwa na waamuzi baada kudhaniwa ameotea

Lakini picha za marudio Azam TV zimeonyesha dhahiri Fraga hakuwa ameotea

Matokeo haya yatazidi kumuweka matatani kocha Sven Vandenbroeck na haitakuwa jambo la kushangaza kama atafutwa kazi

Hii ni kutokana na ukweli kwamba Simba imeshuka kiwango ukilinganisha na wakati alipokabidhiwa kutoka kwa Patrick Aussems

Ni wazi ushindi ambao amekuwa akipata umetokana na ubora wa wachezaji na sio mbinu zake

Wachezaji majeruhi

1) Mzamiru Yassin
2) Miraji Athumani
3) Deo Kanda
4) Erasto Nyoni

Wachezaji ambao ni wagonjwa (sio majeruhi)

5) Shomari Kapombe
6) Rashid Juma

Mashabiki wa Simba leo wanaweza kupata nafasi ya kuwashuhudia wachezaji wao wapya Shiza Kichuya na Luis Miquissone kwenye mchezo wa ligi kuu dhidi ya JKT Tanzania ambao utapigwa uwanja wa Uhuru

Nyota hao waliosajiliwa mwezi uliopita kwenye dirisha dogo, baada ya kukaa nje kwa takribani wiki tatu wakisubiri hati za uhamisho wa Kimataifa, sasa zimewasili

Ilianza kuwasili ITC ya Kuchuya juzi usiku na jana Simba ikathibitisha kupokea ITC ya Miquissone

Kichuya alikuwa kipenzi cha mashabiki wa Simba kabla ya kuuzwa Pharco Fc ya Misri mwanzoni mwa mwaka jana

Amerejea baada ya kuvunja mkataba wake wa miaka miwili na timu hiyo iliyokuwa imemtoa kwa mkopo

Miquissone alionekana kwa mara ya kwanza kwenye michuano ya kombe la Mapinduzi visiwani Zanzibar