hkl

Nahodha wa timu ya Taifa ya Tanzania, Juma Kaseja kuelekea mchezo wa kesho wa kufuzu fainali za Afrika kwa wachezaji wa ndani (CHAN) dhidi ya Sudan hawataangalia historia ingawa ina wabeba.

Mwaka 2009 Stars iliitoa Sudan katika michuano hiyo ambayo ilifuzu na kwenda kushiriki nchini Ivory Coast kitu ambacho Kaseja anafahamu haitakuwa kazi rahisi.

Kaseja anasema Sudan iliyokuja ni tofauti ya mwaka 2009 na wachezaji ni wengine kwahiyo wamejipanga kuwakabili bila kuangalia historia kwakua haichezi uwanjani. “Sisi tumejipanga kuwakabili Sudan katika mchezo wa kesho bila kuangalia historia, tunafahamu hata wao watakuwa wamejipanga ili kulipa kisasi lakini kwa mafunzo tuliyopewa na makocha tunaamini tufanya vizuri,” alisema Kaseja.

Katika kikosi cha Stars kilichocheza na Sudan mwaka 2009 ni wachezaji wawili tu ndio wapo mpaka leo ambao ni Erasto Nyoni na Kelvin Yondani.

@tanfootball @official_juma_kaseja

#wapendasokaupdates
#TunakanyagaMpakaCHAN🇹🇿. #habarizamichezo

Kikundi cha Waandishi wa Habari za Michezo limetoa tiketi 50 kwa watoto wanaoishi katika mazingira magumu katika kituo cha Kurasini kwa ajili ya kushangilia kwenye mchezo wa kufuzu fainali za Afrika kwa wachezaji wa ndani (CHAN) kati ya Tanzania dhidi ya Sudan.

Tiketi hizo ni miongoni mwa zile 500 ambazo zimetolewa na kampuni ya uuzaji wa malori ya GF Trucks kwa ajili ya makundi maalum ili kuongeza hamasa.

Kiongozi wa Waandishi, Pascal Kabombe amewaomba watu au makampuni kutoa misaada mbali mbali kwa wenye uhitaji ili wajione ni watu wa kuthaminiwa kwenye jamii. “Tumekuja kutoa tiketi 50 kwa wadogo zetu wenye mahitaji maalum kwa ajili ya kuhamasisha katika mchezo dhidi ya Sudan,” alisema Kabombe.

Kwa upande wake Afisa Ustawi wa Jamii ambaye ndiye mratibu wa kituo hicho, Flora Mutagwaba amewashukuru Waandishi kwa moyo walio uonyesha huku akiwaasa waendelee kufanya hivyo mara kwa mara ili kuwapa faraja watu hao.

@gftrucks @karmali_i @pascal_kabombe @2official6 @alikamwe @giftmacha_official @devjaykihwelo_ @clifordmariondimbo
#wapendasokaupdates
#TunakanyagaMpakaCHAN🇹🇿

KaimuKocha Mkuu wa timu ya Taifa ya Tanzania, Taifa Stars, Etienne Ndayiragije, amesema mkakati wake wa kwanza ni kupata ushindi mnono nyumbani ili kujiweka katika mazingira mazuri ya kufuzu fainali za Mataifa Afrika kwa wachezaji wanaocheza ligi za ndani (CHAN) zitazofanyika mwakani nchini Cameroon.

Stars itakuwa nyumbani kumenyana na Sudan katika mchezo wa kuwania tiketi ya kushiriki fainali hizo kwa mara pili, utakaopigwa kesho Jumapili saa moja jioni kwenye Uwanja wa Taifa, Dar es Salaam.

Stars ambayo bado haijapata ushindi katika muda wa kawaida tangu ilipoanza kunolewa na Ndayiragije, kocha huyo wa Azam Fc amesema amefanyia marekebisho safu yake ya ushambuliaji ili kuhakikisha wanashinda mchezo huo

Amesema timu iko tayari kuelekea mchezo huo

“Kikosi kipo kamili kwa ajili ya mchezo huo, wachezaji wote wako katika hali nzuri. Kikubwa ni kuhakikisha tunapata ushindi mnono nyumbani ili kujipunguzia kazi ugenini,” amesema

“Mchezo huu tutaanzia nyumbani, hivyo lazima tutumie vema faida hiyo, tunatakiwa kwenda ugenini tukiwa na mtaji mkubwa wa mabao, tulishindwa kufanya hivyo dhidi ya Kenya, tukajipa mzigo mzito ugenini, lakini safari hii tunataka kuanza vizuri kwa ushindi nyumbani”

Mchezo wa marudiano baina ya timu hizo utapigwa Oktoba 18 nchini Uganda

Ligi Kuu ya Vodacom inaendelea leo kwa mechi tano kupigwa katika viwanja tofauti

Namungo Fc na Kagera Sugar zina nafasi ya kuongoza ligi kama zitashinda michezo yao leo

Namungo Fc itashuka dimba la Majaliwa kuumana na Mwadui Fc wakati Kagera Sugar iko Mwanza kuumana na Mbao Fc

Mabingwa watetezi Simba, Azam Fc na Yanga hazichezi wikiendi hii kutokana na kuwa na wachezaji wengi kwenye kikosi cha timu ya Taifa ambacho kesho Jumapili kitaumana na Sudan kwenye mchezo wa kwanza wa kusaka tiketi ya michuano ya CHAN inayohusisha wachezaji wa ndani

Matukio kwa Picha Yaliyojiri Mwanza kwenye mchezo kati ya Alliance dhidi ya Biashara United jana
#wapendasokaupdates
#VodacomPremierLeague